ಬೆಳ್ತಂಗಡಿ : ಬೈಕ್ ರೇಸ್‌ನಲ್ಲಿ ಬೈಕೊಂದು ಪಲ್ಟಿಯಾಗಿ ರೇಸರ್ ಬೈಕ್ ಮೇಲೆಯೇ ಬೀಳುವ ವೀಡಿಯೋವೊಂದು ವೈರಲ್ ಆಗಿದೆ.
ಕಾವಳಕಟ್ಟೆ ನಿವಾಸಿ ನೌಶಾದ್ (23) ಗಾಯಗೊಂಡ ರೇಸರ್.
ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಬಳ್ಳಮಂಜದಲ್ಲಿ ಸೋಮವಾರ ಬೈಕ್ ರೇಸ್ ನಡೆದಿತ್ತು. ಫಿಟ್ಟರ್ ಆಗಿರುವ ನೌಶಾದ್ ಈ ರೇಸ್‌ನಲ್ಲಿ ಬೈಕ್ ರೇಸರ್ ಆಗಿ ಪಾಲ್ಗೊಂಡಿದ್ದರು. ರೇಸ್‌ನಲ್ಲಿ ವೇಗವಾಗಿ ಬಂದ ಬೈಕ್ ಜಂಪಿಂಗ್ ಮಾಡುತ್ತಿದ್ದಾಗ ನೇರವಾಗಿ ನಿಲ್ಲುವ ಬದಲು ಕುಸಿದು ಬಿದ್ದಿದೆ. ಈ ವೇಳೆ ನೌಶಾದ್ ಕೂಡಾ ಬೈಕ್ ಮೇಲೆಯೇ ಬಿದ್ದಿದ್ದಾರೆ. ಆದರೆ ಅದೃಷ್ಟವಶಾತ್ ಅವರು ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ. ಅವರು ಬೀಳುತ್ತಿರುವ ಭಯಾನಕ ವೀಡಿಯೋ ವೈರಲ್ ಆಗಿದೆ.
