ಉಡುಪಿ : ಮಣಿಪಾಲದ ಟಾಪ್ಮಿಅಲ್ಯುಮ್ನಿ ಅಸೋಸಿಯೇಷನ್‌ನಿಂದ ಮಕ್ಕಳ ವಿದ್ಯಾಭ್ಯಾಸದ ಅನುಕೂಲಕ್ಕಾಗಿ ನೀಡಲಾದ ಲ್ಯಾಪ್‌ಟಾಪ್ ಮತ್ತು ಪ್ರೊಜೆಕ್ಟರ್‌ನ್ನು ಇತ್ತೀಚಿಗೆ ಅಸೋಸಿಯೇಷನ್ ಕಾರ್ಯದರ್ಶಿ ಶ್ರೀ ರಾಜೇಂದ್ರ ಕಾಮತ್ ಇವರು ಬಾಲನಿಕೇತನದ ಕಾರ್ಯದರ್ಶಿ ರಾಮಚಂದ್ರ ಉಪಾಧ್ಯಾಯ‌ರಿಗೆ ಹಸ್ತಾಂತರಿಸಿದರು.
ಬಾಲನಿಕೇತನ ಮತ್ತು ಅಲ್ಲಿನ ಮಕ್ಕಳ ಅನುಕೂಲಕ್ಕಾಗಿ ನೀಡಲಾದ ಈ ಕೊಡುಗೆಯು ಬಹಳ ಉಪಯುಕ್ತವಾಗಿದ್ದು ಆ ಬಗ್ಗೆ ಸಹಕರಿಸಿದವರನ್ನು ಅಭಿನಂದಿಸಿದರು. ಈ ಸಂದರ್ಭದಲ್ಲಿ ಟಾಪ್ಮಿ ನಿವೃತ್ತ ಗ್ರಂಥಪಾಲಕ ಡಾ. ಮಂಜುನಾಥ, ಬಾಲನಿಕೇತನ ಆಡಳಿತ ಮಂಡಳಿಯ ಶ್ರೀ ರಘುರಾಮಾಚಾರ್ಯ, ಶ್ರೀ ಗುರುರಾಜ ಭಟ್, ಮಾತಾಜಿಯವರು ಮತ್ತು ಮಕ್ಕಳು ಉಪಸ್ಥಿತರಿದ್ದರು.