ಉಡುಪಿ : ದುಬೈ ಮೂಲದ ಪ್ರೊಪರ್ಟಿ ಸರ್ವೀಸ್ ಕಂಪೆನಿಯಾದ “ಮೊಲ್ಟೊ ಕೇರ್” ಉಡುಪಿಗೆ ಕಾಲಿಟ್ಟಿದೆ. ಭಾರತದಲ್ಲೇ ಪ್ರಥಮವಾಗಿ ಉಡುಪಿಯಲ್ಲಿ ಎ.2ರಂದು ಕುಂಜಿಬೆಟ್ಟುವಿನಲ್ಲಿ ಕಾರ್ಯಾರಂಭಿಸಲಿದೆ.
ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಸಂಸ್ಥೆಯ ನಿರ್ದೇಶಕ ಕೃಷ್ಣರಾಜ್ ತಂತ್ರಿ ಅವರು, ಈ ಸಂಸ್ಥೆಯು ಆಸ್ತಿ ಮತ್ತು ಮನೆ, ಕಚೇರಿಯ ಎಲೆಕ್ಟ್ರಾನಿಕ್ಸ್ ವಸ್ತುಗಳ ನಿರ್ವಹಣೆಯನ್ನು ನೋಡಿಕೊಳ್ಳುತ್ತದೆ. ಏರ್-ಕಂಡೀಷನಿಂಗ್, ಇಲೆಕ್ಟ್ರಿಕಲ್, ಪ್ಲಂಬಿಂಗ್, ಮರಕೆಲಸ, ಗಾರೆ ಕೆಲಸ ಇತ್ಯಾದಿ ಮನೆಯೊಳಗಿನ ಸೇವೆಗಳನ್ನು ಜನರಿಗೆ ನೀಡುತ್ತದೆ. ಅಲ್ಲದೇ ಮನೆಯ ಸ್ವಚ್ಚತೆ ಇತ್ಯಾದಿಗಳನ್ನು ಅಂತರಾಷ್ಟ್ರೀಯ ಗುಣಮಟ್ಟದಲ್ಲಿ ನಿಗದಿತ ದರಕ್ಕೆ ನೋಡಿಕೊಳ್ಳುತ್ತದೆ ಎಂದರು.
ಸುದ್ದಿಗೋಷ್ಠಿಯಲ್ಲಿ ಸಂಸ್ಥೆಯ ಟೆಕ್ ಸಪೋರ್ಟ್ ವಿಜೇತಾ ತಂತ್ರಿ, ನಿರ್ವಹಣೆ ಇಂಜಿನಿಯರ್ ಮುರುಗನ್, ಎಸಿ ಟೆಕ್ನಿಶೀಯನ್ ರಂಜಿತ್ ಉಪಸ್ಥಿತರಿದ್ದರು.