ಉಡುಪಿ : ಮಾಜಿ ಶಾಸಕ ರಘುಪತಿ ಭಟ್ ಮಹಾಲಕ್ಷ್ಮಿ ಬ್ಯಾಂಕ್ ಕುರಿತಾಗಿ ಮಹತ್ವದ ಹೇಳಿಕೆಯನ್ನು ನೀಡಿದ್ದಾರೆ. ಮಹಾಲಕ್ಷ್ಮಿ ಬ್ಯಾಂಕ್ ಆಣೆ ಪ್ರಮಾಣಕ್ಕೆ ಬರಲು ಪತ್ರ ಬರೆದಿದ್ದುದಾಗಿ ಅವರು ತಿಳಿಸಿದ್ದಾರೆ. ಆದರೆ ಈ ಕುರಿತು ಪೇಜಾವರ ಶ್ರೀ ಮತ್ತು ಪಲಿಮಾರು ಶ್ರೀ ಅವರು ಅವರು ಹೇಳಿದಂತೆ ಆಣೆ ಪ್ರಮಾಣ ಬೇಡ ಎಂದು ಸೂಚನೆ ನೀಡಿದರೆಂದು ಭಟ್ ಹೇಳಿದರು.
ಮೋಗವೀರ ಸಮುದಾಯದ ಮುಖಂಡರಾದ ಜಿ. ಶಂಕರ್ ಮತ್ತು ಜಯಕೋಟ್ಯಾನ್ ಅವರ ಮಾರ್ಗದರ್ಶನದಲ್ಲಿ ಮಾತುಕತೆಗಳು ನಡೆಯುವ ಸಾಧ್ಯತೆಗಳು ಕಂಡುಬಂದಿವೆ. ಭಟ್ ಅವರ ಪ್ರಕಾರ, ದೇವಸ್ಥಾನದಲ್ಲಿ ಯಾವುದೇ ಆಣೆ ಪ್ರಮಾಣಗಳನ್ನು ಮಾಡಲಿಲ್ಲ, ಆದರೆ ಅವರು ತೆಗೆದುಕೊಂಡ ಹಣವನ್ನು ಪ್ರಾಮಾಣಿಕವಾಗಿ ಬಡ್ಡಿ ಸಮೇತ ಪಾವತಿಸುವ ಸಂಕಲ್ಪ ಮಾಡಿದ್ದಾರೆ ಎಂದು ಹೇಳಿದರು.
ಬ್ಯಾಂಕ್ ತನ್ನ ಸಾಮಾಜಿಕ ಜವಾಬ್ದಾರಿಯನ್ನು ವಹಿಸಿಕೊಂಡು ಸಮಸ್ಯೆಯನ್ನು ಸರಿಪಡಿಸಬೇಕು ಎಂದು ಭಟ್ ವಾಗ್ದಾನ ಮಾಡಿದ್ದಾರೆ. ಅವರು ತಮ್ಮ ಮೇಲೆ ಸಾಮಾಜಿಕ ಜಾಲತಾಣಗಳಲ್ಲಿ ವೈಯಕ್ತಿಕವಾಗಿ ತೇಜೋವಧೆ ಮತ್ತು ಅಪಪ್ರಚಾರ ನಡೆಯುತ್ತಿರುವುದಾಗಿ ಆಕ್ರೋಶ ವ್ಯಕ್ತಪಡಿಸಿದರು.
“ಹಣ ಸಿಕ್ಕಿದಷ್ಟು ಬಡ್ಡಿ ಸಮೇತ ಬ್ಯಾಂಕಿಗೆ ಪಾವತಿಸಬೇಕು ಎಂದು ಎಲ್ಲರೂ ತೀರ್ಮಾನಿಸಿದ್ದಾರೆ. ಗ್ರಾಹಕರನ್ನು ಬ್ಯಾಂಕ್‌ಗೆ ಕರೆಸಿಕೊಂಡು ಅವರ ಅಭಿಪ್ರಾಯ ಕೇಳಿ,” ಎಂದು ಅವರು ಹೇಳಿದರು.
“ಸಮಾಜದ ಬಡವರು ಮತ್ತು ಧ್ವನಿ ಇಲ್ಲದವರನ್ನು ಮಧ್ಯದಲ್ಲಿ ಬಿಡಬಾರದು. ಸ್ವಾಮೀಜಿಗಳು ಅಥವಾ ಮೊಗವೀರ ಸಮುದಾಯದ ಪ್ರಮುಖರು ಮಧ್ಯಸ್ಥಿಕೆ ವಹಿಸಬೇಕು,” ಎಂದ ಭಟ್ ಅವರ ಹೇಳಿಕೆಯಲ್ಲಿ, ಸಹಿ ಹಾಕದ 36 ಜನರಿಗೂ ಮರುಪಾವತಿ ಮಾಡಲು ಪೀಡಿಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ. ಅವರು ಯಾವುದೇ ಜಿದ್ದಾಜಿದ್ದಿಯಿಲ್ಲದೆ ಈ ಸಮಸ್ಯೆಯನ್ನು ಶೀಘ್ರದಲ್ಲಿ ಬಗೆಹರಿಸಬೇಕೆಂದು ಅಭಿಪ್ರಾಯಪಟ್ಟಿದ್ದಾರೆ.